in mein kopf hod si amoi a spinn eignist

die hod si weihnochtn gnennt

is gaunze joahr woas stü

in somma host es goa ned gspiat

nua im dezemba hot se augfaungan is netzerlspinnan

mei gaunzes hian vulla spinnwem

do hom se de erinnerungen drinn gfaungen

oba nua de schlechtn

daun hob i miasn aun mei oide denkn

wia sie im eignen bluat gleng is

is messa steckt no in ihra brust

de klingan no gaunz woam

do reißt sie s möi auf

du sau

öf joahr hob i ihr stimm neama ghead

und sie sogt nua

du sau

do hob i great

und die spinn hod de tränan gfressn

drauf hot se wida a rua gem

fia a joahr