A klana Bua dazöt er mecht amoi genauso wia sei Vatta wean
Er tramt von ana Uniform und Marschmusik die heat a hoit so gean
In ana oidn Schachtel findt a Fotos ganz vergöbt und voller Staub
Glei neben dem Kamin hängt an da Wand a Ritterkreuz mit Eichenlaub
Da Vatta glänzt voll Stolz und er dazöt dass alles anders gwesen is
A Kriag is ka Verbrechen weu es san halt manche Menschen feig und mies
Was euch heut föt is strenge Disziplin und starke Männer die euch fian
Dann schaut a ume zum Kamin und mant es miassert irgendwas passieren
Da Bua wird grössa mit da Zeit und unaufhaltsam arbeits in sein Hirn
Sei Vatta woa amoi a Höd und er solltats halt wenigstens probiern
Es gibt ja kane Männer mehr die kämpfen können für ihr Vaterland
Er wü sei armes Volk vom Schmutz befreien mit schware Kettn in da Hand
Er bleibt net lang alanich seine Freund die denkn ganz genau wie er
Für Heimat und für reines Bluat fallns wia verruckt über die Tschuschen
her
Jetzt hat a Kettn an die Händ sein Vatta den verfluacht a tausendmal
und von die alt'n Helden wü a nix mehr wissn a für alle mal