Austria 3 (Danzer)
Große Dinge

Und i kann mi no erinnern
Es woa zeitlich in da Fruah
Wia da Mond no blass am Himmel g'standen is
I bin leise aus der Tür g'schlupft
I woa no a klana Bua
Große Dinge wollt i tuan, des woa ma g'wiss

I bin umme über'd Wiesn
Hundert Meter bis zum Woid
Mit'n Pfeil und Bogen in der klanen Hand
Und im dünnen Morgennebel woa die Sunn scho unterwegs
Und hat Spinnenweben feine Fäden g'spannt
Über's Land

Ned weit weg, auf ana Lichtung
Hob i mir a Hittn baut
Aus'm Reisig, des duat glegn is am Grund
Hob mi g'füht ois Indianer
Und hob durch die Äste g'schaut
A poa Heidlbeern eineg'steckt in Mund

I woa frei und ungebunden
Kana hot zu mia wos g'sogt
Nur a Kuckuck von da Weit'n woa zum hean
Und so is da Tog vagaunga
Bis zur Abenddämm'rung hin
I hob g'spiat, die ganze Gegend hob i gern
Bis zu'd Stern'

Große Dinge zu vollbringen
Woa mei ollagrößter Wunsch
Große Dinge, an die klane Buama glaub'n
Böse Drachen zu bezwingen
A Prinzessin zu befrei'n
Und dem Buam vom Nachbarn ane owehaun
Der tät schaun

Große Dinge zu vollbringen
Woa mei ollagrößter Wunsch
Große Dinge, an die klane Buam no glaubn
Blöde Lehrer niedersingen
Und mei Freindin zu befrei'n
Und dem Buam von Nachbarn ane owehaun
Na der tät schaun

Und i kann mi no erinnern
Waun's dann Abend worden is
Bin i ham, da hot die Oma ma scho g'woat
Die hot keplt, bist Du dreckig
Wia Du ausschaust, meiner Seel'
Oba daun hot's mit'm Kaiserschmarrn ned g'spoat

Große Dinge zu vollbringen
Woa mei ollagrößter Wunsch
Große Dinge, an die klane Buama glaubn
Mittlerweil'n hot si des olles sozusag'n relativiert
Nur den Kaiserschmarrn, den tät i gern no haum
Der woa a Traum