mich wunderts ned
is licht was scho wos eam guat tuat
mich wunderts ned
dass finsta wiad
auf weihnochtn zua
sui nua kumman
des geschissene fest
mia kaus sowiso gstuin bleim
mia kennans olle gstuin bleim
de departen
wias umanaunda kreun auf die christkindlmärkt
olle im stress
olle wichtig
und voroim de kirchn
waun i an weihrauch riach
kummt ma is speim
ois nua weu voa zwadausnd joahr
a kind in an stoi auf d wöd kumman is
auf amoi sans olle wida sölig
und scheissn se gegenseitig ins gsicht
valogene bruat
do ziag i mi zruck
vakriach i mi in da wohnung
zweihnochtn kennt mi d wöd ned
d fensta vapikt
de tia fest zua
um zehne hul i an haumma
und de fuchzehna
fünfe
zwa fia d fias
zwa fia d händ
da fünfte kummt in oasch
ana muas jo mochn
leiden
wenn ois si gfreit
sm