Wild West in St. Favoriten

Stadt will Einwegflaschen-Pfand

Mieten zu hoch

Sonntag im Beisl

Mundl bekommt Internet
 

Sein Herz ist manchmal ein bisserl kindlich, dann und wann versteht er die Welt mit seinen vielen Kriegen nicht, die ganze Brutalität unseres Alltags, trotzdem steht er mit seinen Beinen meist fest auf Wiener Boden, außer er hat ein paar Flaschen Bier zu viel im Blut. An dieser Stelle wird er Ihnen immer wieder etwas aus seinen Alltag und das Treiben rundherum erzählen.

Wenn Sie manchmal etwas nicht genau verstehen, dann schreiben Sie ein Mail.

Wauns Zeit hobts, daun schauts eine bei mia, setzt´s eich hi auf a wiatuelles Bia oder an schnöllen Gspritzten und lauschts meinen Erzöhlungen. Bis daun, lostsas eich ned schlecht geh. Ma sicht si. Seas daun.
Eicha Mundl.

Wild West in St. Favoriten

Nau bist gscheit. Do soi no ana sogn, bei uns im 10ten is nix los.

I geh aunungslos vun da Hockn ham, ä hundsmiad, auf amoi hea i a boa Krocha, i hob glaubt, Süvöster is scho wieda. Olle hom zum schrein augfaungt, das glaubt host, de Wöd gät unta. In da Puxbamgossn homs mittn Maschingwea umadumgschossn, Tschigago is a Schass dagegen. I bin vun Haus aus ka neigieriga, owa ma muass jo aum laufenden sei und si informian, deswegen hob i glei gschaut, wos do los is.

Na griass di God, do san scho de Leichn in eanara Tschessn glegn, das da schlecht wean kau. Des woan mindastens drei, sicha ned fü mea, weu noch vier hoibe Bia hob i no an kloren Blick. Aunscheinand hot si der Mafiosi, dea de drei hamdraht hot glei söwa a Freikoatn zum Herrgod vaschofft, weu dea is nämli a aum Trotoa umadumkugelt und hot si nimma griad. No auf sowos kaun i vazichtn und hob ma noch dem Erlebnis gleich an kloaren in meina Staumhittn hinta de Binden kippt, weu so a Bluatbod vatrogt da beste Mogn ned.

Pfiat eich fir heite. Eicha Mundl