Februar
2003
Wild West in
St. Favoriten
Stadt will
Einwegflaschen-Pfand
Mieten zu hoch
Sonntag im Beisl
Mundl bekommt Internet
|
|
Da Suntoch is imma a Hetzarei
fi mi. Zeitli in da Frua haut mi
dä Toni scho aus da woaman
Hapfn, weus mant, das da Suntoch
da anzige ruhige Tog is, wos
unsan Oidbaubungalow so richtig
schä putzn kau. Däs hast fir mi
ausä aus da Wohnung und owe zum
Kurti, das ma si zum Frühschoppn
ins Staumbeisl vatschüssn.
Duat is meist scho fü los,
aunscheinend moch ned nua dä
Toni aum Suntoch großen Putz. Do
nimm i ma, waun nix aundas los
is, daun mei Krone um null
Schilling zua Haund, däs san in
Euro null Euro, ans da wenigen
Sochn, dä wos ned teira wuan san,
seit ma bei den ÄU Varein dabei
san. Heit hob i do in da Zeidung
an gaunz an neichn enddeckt. Vun
den hob i scho a weu nix mea
ghäat, nämli den Heida Jörgl. I
hob scho glaubt, dea is no imma
beim Husain Sadam auf Ualaub.
Auwa na, ea is wieda do und gibt
sein Senf wieda dazua. De beste
Mödung vu eam is, das ea sie
wieda mit da Susl, dä Riss Pasa
Susl, auf a Packl haun wü.
Oiso i was ned. Zerscht
haut a dä oide Regierung zaum
und schickt de Susl in Kriag und
jetzt, wo ea sicht, das wieda
leiwaund fia sei FPÖ is, weus da
Woifarl (Schüsserl) wieda in dä
Regierung ghoid hod, do mochata
de Susl aum liabsten wieda zur
Vizekanzlarin. Auwa däs wirds
ned spün. A Schauns hättat er
vielleicht. Ewentuell känntat da
Jörgl sein Hawara Sadam frogn,
ob der ned vielleicht an
leiwaundn Posten in Irak fia Sie
hod, befur dä Amis dä Öl aungereicherte Saundwüste zum
Teifö schissn.
Eicha Mundl |
